Наваполацк - культурная сталіца

Адкажыце на пытанні
Этнаграфічная дыктоўка
Хто аўтар скульптуры?

Блог А.Шорац
Блог
https://sh7grodno.wixsite.com/belblogsch7
http://mvala891.blogspot.com.by/
Сучасная беларуская паэзія

Сустрэча ў бібліятэцы У.Маякоўскага

    20 лютага 2018 года адбылася сустрэча з Міхасём Пазняковым у цэнтральнай бібліятэцы імя У. Маякоўскага. Творчы вечар, падрыхтаваны народным калектывам " Літаратурна-музычнага аб'яднання "Крылы", прайшоў у атмасферы поўнага даверу паміж слухачамі і аўтарам. Госці сустрэчы акунуліся ў паэтычны свет творцы. 

Удзельнікі гасцінай 

 

М.Пазнякоў разам з вучаніцамі 11 кл і  Г.Сташкевіч

Пісьменнік нарадзіўся 24 студзеня 1951 года ў маленькай вёсцы Заброддзе Быхаўскага раёна Магілёўскай вобласці. Аўтар выразіў бязмежную любоў  да сваёй  малой радзімы, сваіх бацькоў Паўла Кузьміча і Марыі Еўдакімаўны Пазняковых. На ўсё жыццё запомніў працавітага, шчырага, мудрага, веруючага бацьку і руплівую, клапатлівую, мудрую, назвычай  добрую маці-гаспадыню. Сям'я была вялікая. Усяго 11 дзяцей. Працаваць даводзілася шмат: на падворку, у садзе, на агародзе, у лесе, на лузе, з татам  на Грэзе (рака на маленькай радзіме). Бацька рана навучыў касіць, габляваць, хадзіць за плугам і бараной.       

     У 9 класе Міхась Пазнякоў быў абраны рэдактарам "Камсамольскага пражэктара" – насценнай газеты камсамольскай арганізацыі школы. Першы яго верш быў надрукаваны ў 1966 г. у газеце "Браслаўская звязда" (г. Браслаў), дзе Міхась Пазнякоў вучыўся некалькі месяцаў у санаторнай школе. Заўважыў і падтрымаў яго кіраўнік літаратурнага аб'яднання, вядомы пісьменнік Павел Пруднікаў.
     Жывая сустрэча з жывым пісьменнікам-чараўніком надоўга застанецца ў памяці ліцэістаў. Ён аўтар больш за 90 кніг.  На выставе можна было набыць кнігі для дарослых і дзяцей. 
   Дзеці для пісьменніка - своеасаблівы астравок дабраты, чысціні і хараства. Варта звярнуць увагу бацькоў, выхавальнікаў і настаўнікаў пачатковых класаў на творы М.Пазнякова для дашкольнага і малодшага ўзросту, якія развіваюць кемлівасць, назіральнасць, пільнасць дзяцей. "Не трэба навязваць беларускую мову, а старайцеся больш яе ўжываць у паўсядзённым жыцці, чытаючы творы на роднай мове", - сцвярджаў аўтар.

                                                     Вершы для дзяцей

Творы М.Пазнякова

Тэст

Ці добра ты ведаеш у твар беларускіх пісьменнікаў

21 ЛЮТАГА - СУСВЕТНЫ ДЗЕНЬ РОДНАЙ МОВЫ

Правер, наколькі добра ты ведаеш лексіку беларускай мовы. 

Адукар Тэст

Н.Гальпяровіч і Г.Сташкевіч на сустрэчы 

Ліцэісты сярод гасцей вечарыны 

         5 лютага 2018 года адбылася сустрэча з ганаровым грамадзянінам гарадоў Полацка і Наваполацка Навумам Гальпяровічам  у цэнтральнай бібліятэцы імя У. Маякоўскага. Творчы вечар "Я ад дрэва твайго лісток...", падрыхтаваны народным калектывам " Літаратурна-музычнага аб'яднання "Крылы", прайшоў у атмасферы поўнага даверу паміж слухачамі і аўтарам. Госці сустрэчы акунуліся ў паэтычны свет творцы. Тэма валодання беларускай мовы была актуальнай падчас размовы. Павагу да яе трэба выхоўваць з дзяцінства. "Мы, беларусы, багатыя людзі. Маем дзве дзяржаўныя мовы, але часцяком забываем на тую, што стварыла нас як нацыю", - сказаў Н.Гальпяровіч.
         Пра  ўсё гэта даведаліся ліцэісты 10"Б" класа, якія прысутнічалі на гасцінай. Зацiкаўленыя погляды, адкрытыя душэўным гiсторыям сэрцы - усё гэта стварала запамiнальную,  цёплую абстаноўку ў выставачнай зале. На цудоўнай сустрэчы Навум Гальпяровiч прадэманстраваў зборнік вершаў  «Час лістападу», у якім сабраны яго лепшыя вершы. Усе тыя,  каму выпала магчымасць убачыць Навума Гальпяровiча ўжывую, я лiчу, захаваюць душэўную гутарку ў сваiм сэрцы.

Вучаніца 10 "Б" класа Шорац Анастасія